សៀវភៅ​យុទ្ធសាស្ត្រ​ទម្លុះ​គោលដៅ


សៀវភៅ​យុទ្ធ​សាស្ត្រ​ទម្លុះ​គោលដៅ ប្រែល​សម្រួល​រៀប​រៀង​ដោយ​ លោក គឹម​ ចាន់ណា គឺ​ជា​សៀវភៅ​បណ្តុំ​យុទ្ធសាស្ត្រ​​ដឹកនាំ បណ្តុំ​គំនិត និង​បទ​ពិសោធន៍​ ដែល​មាន​ចែង​ក្នុង​យុទ្ធសាស្ត្រ​ចិន។ តាម​ការ​កត់​សម្គាល់​របស់​អ្នក​រៀបរៀង យុទ្ធ​សាស្ត្រ​ទាំងឡាយ​ក្នុង​សៀវភៅ​នេះ ត្រូវបាន​ប្រទេស​ដទៃ​ទៀត​ បោះពុម្ព​ផ្សាយ​ រាប់​សតវត្សមក​ហើយ​។

ដោយយល់ឃើញថា​ខ្លឹមសារ​នៅ​ក្នុង​សៀវភៅ​នេះ​ មាន​ប្រយោជន៍​ខ្លាំង​សម្រាប់​មហា​ជន​ប្រើប្រាស់​ជាឧទាហរណ៍​សម្រាប់​រៀបចំ​ដំណើរ​ជីវិត​ខ្លួន គេហទំព័រសាលារៀន សូម​លើក​យក​ខ្លឹម​សារ​សំខាន់​ៗ​មួយ​ចំនួន​មក​បង្ហាញ។ សម្រាប់​ខ្លឹមសារ​លម្អិត មិត្ត​អ្នក​អាន​ គួរ​ជាវ​សៀវភៅ​ យុទ្ធសាស្ត្រ​ទម្លុះ​គោលដៅ​ ដែលមាន​លក់​នៅ​តាម​បណ្ណាគារ​នានា​ សិក្សា​បន្ថែម​ដោយ​ខ្លួន​ឯង។

ការ​ដែរ​ភ្នំ​ថៃ​សាន​មាន​កម្ពស់​ខ្ពស់​ត្រដែត
ការដែរ​មហា​សមុទ្រ​មាន​ទំហំ​ធំ​ល្វឹង​ល្វើយ​ ហើយ​ជ្រៅ
សុទ្ធតែកើតដោយការមិនបដិសេធ មិនប្រឆាំង
រីករាយទទួលយកសមាជិកពីគ្រប់​ទិសទី​។
ខ្ពស់ដូចភ្នំ ធំដូចសមុទ្រ

មុននឹង​ធ្វើ​អ្វី​មួយ​គេ​ត្រូវ​ស្ទាប​ស្ទង់​មើល​ប្រតិកម្ម​មនុស្ស​ជុំ​វិញ​ខ្លួន​ជាមុន​សិន
ថាតើអាចធ្វើបាន ឬមិនបាន?
អ្វី​ទាំង​នេះ​គឺការពារ​មិន​ឲ្យ​មាន​គ្រោះថ្នាក់​កើត​ឡើង​ជាយថាហេតុ
ដោយសារតែការប្រញាប់​ប្រញាល់​ធ្វើ​ទាំង​បន្ទើប​បន្ទាន់​ពេក។
បោះថ្មស្ទះផ្លូវ

បុគ្គល​ម្នាក់ៗ​មិន​អាច​សម្រេច​កិច្ចការ​ធំធេង​តែ​ម្នាក់​ឯង​បាន​ឡើយ
ហើយក៏មិនចាំបាច់ទៅធ្វើអ្វីគ្រប់ៗ​រឿងផងដែរ
មានយុទ្ធសាស្ត្រម្យ៉ាងដែលជួយយើងសម្រេចគោលដៅ។
ខ្ចី​ដៃ​គេ​ប្រើ

ដើម្បី​ឲ្យ​អាហារ​ដែល​ត្រូវ​បំប៉ន​ដើម​ឈើ
មិនពិបាកបែងរំលែកទៅណាទៅណី​ច្រើន​ពេក
គេគួរតែកាច់មែកណាដែលគ្មានប្រយោជន៍ចោល
ដើម្បីឲ្យដើមនោះទទួលបានអាហារគ្រប់គ្រាន់​ពេញ​លេញ។
កាត់​មែក​បំប៉ន​ដើម

ទឹក​ដែល​ថ្លា​ឆ្វង់​ហួស​ហេតុ​ពេក
ត្រីមិនអាចរស់នៅដោយសុវត្ថិភាពបានទេ
ធម្មជាតិរបស់មនុស្សតែងមានខុសនិងត្រូវ​ ជាគូ​នឹងគ្នា
ការមិនចេះអធ្យាស្រ័យដល់និស្ស័យធម្មជាតិខ្លះរបស់មនុស្ស
នោះហើយគឺជាអ្វីដែលគេហៅថា ល្ងង់។
ទឹកថ្លាពេក ត្រីមិនហ៊ាននៅ

ចំណេះវិជ្ជា​ណាមួយ​ក៏​ដោយ​ ឲ្យ​តែ​ចេះ​ប្រាកដ
ទោះបីជាពេលខ្លះយើងតែង​គិតថា វា​ឥត​ប្រយោជន៍​ក៏ដោយ​
តែពេលចាំបាច់​ត្រូវប្រើ​វា​
វានឹងមានតម្លៃដ៏ធំធេង មិនអាចកាត់ថ្លៃបានឡើយ។
ចិញ្ចឹមរាប់​ឆ្នាំ​ ប្រើ​មួយ​ថ្ងៃ

0 comments:

Post a Comment

Search This Blog

Popular Posts

Recent Posts

Text Widget

Pages

Copyright © សាលារៀន​ KS | Powered by Blogger
Design by Viva Themes | Blogger Theme by NewBloggerThemes.com